Një grua ka raportuar në Policinë e Kosovës se është sulmuar seksualisht nga një person i panjohur.
Policia e Kosovës në raportin ditor ka bërë të ditur se viktima ka pasur lëndime të lehta trupore, si dhe më pas ka pranuar tretman mjekësor.
Ndërkohë, është bërë e ditur se rastin e ka raportuar vetë viktima, të dielën në Kaçanik.
Policia njofton se rasti është ende duke u hetuar, derisa i njëjti është iniciuar “Sulm seksual”.
“Ankuesja femër kosovare ka informuar se është sulmuar seksualisht nga i dyshuari mashkull i panjohur. Si pasojë ankuesja ka pësuar lëndime të lehta trupore dhe ka pranuar tretman mjekësor. Rasti është duke u hetuar”, thuhet në raportin ditor të Policisë së Kosovës./teve1.info/
