Një polic është sulmuar në veri të Kosovës derisa ishte në kryerje të detyrës, ku i dyshuar ka tentuar ta godas atë me veturë. Por situata atje është e qetë, madje të enjten policia zhvilloi një aksion ku konfiskoi një sirenë alarmi dhe 6 zmadhueset të zërit.
Tinguj të tillë më nuk mund të dëgjohen në Mitrovicën e Veriut.
Kjo pasi të enjten, Policia e Kosovës kreu një aksion në këtë pjesë të vendit.
Nga ku edhe u konfiskuan një sirenë alarmi e 6 zmadhues të zërit.
“Konfirmojmë konfiskimin e një sirene të alarmit dhe 6 zmadhues të zërit në Mitrovicë të Veriut. Kjo sirenë dhe këta zmadhues zëri kanë shërbyer në periudha të ndryshme kohore për të prishje të rendit dhe qetësisë publike”, thuhet nga Policia.
E të martën dikush prishi rendin në këtë pjesë të vendit.
Një policë u sulmua nga një person i panjohur në Veri të Mitrovicës.
Derisa zyrtari policor ishte në kryerje të detyrës, një i dyshuar ka tentuar ta godas atë me veturë dhe gjatë tentimit i njëjti ka goditur veturën e zyrtarit.
“Policia ka tentuar të ndalojë një person të komuniteti serb, momentin që polici ka dalë nga vetura, i njëjti i ka jep gazë veturës dhe ka ik nga vendi i ngjarjes, sipas të gjitha gjasave ai është frikësuar. Personin e kemi zënë dhe aktualisht është duke u intervistuar nga Policia e Kosovës bashkë më gruan e tij”, ka thënë Elshani.
Për këtë sulm të enjten foli edhe Ministri i Punëve të Brendshme, Xhelal Svqela.
“Gjatë këtyre viteve Policia e Kosovë është sulmuar rreth 100 herë nga këto grupe ekstremiste dhe lajmi i fundit është se një sulm kemi pasur edhe dje ku është rrezikuar jeta e një polici. Megjithatë situata e sigurisë atje është përmirësuar ndjeshëm”, tha ai
Tensionet në veri së fundmi kishte më 24 shtator ku mbet i vrarë një policë nga sulmi terrorist në fshatin Banjskë të Zveçanit.
