Mitrovica e Veriut është sulmuar me dy shok-bomba mbrëmë në orët e vota.
Lajmin për teve1.info e ka konfirmuar zëvendës drejtori rajonal për veriun e Kosovës, Veton Elshani, i cili tha se tashmë situata është e qetë dhe gjithçka është në rregull.
“Dy shok-bomba janë gjuajtur mbrëmë në Mitrovicë të Veriut, njëra afër stacionit policor e tjetra afër një shkolle teknike. Situata tash është e qetë”, tha Elshani.
Sulme me shok-bomba e gurë nga protestuesit serbë ka pasur edhe dje në Leposaviq, ku janë sulmuar mediat kosovare e që kanë lënë të lënduar nëntë gazetarë.
Tensionet në veri kanë nisur që nga 26 maji, kur kryetarët shqiptarë kanë tentuar të hynë në objektet komunale të katër komunave veriore./teve1.info/
