Lajmin për teve1.info e ka konfirmuar zëdhënësi i Policisë së Kosovës, Baki Kelani, i cili ka njoftuar se përveç dëmeve materiale nuk ka persona të lënduar.
“Lidhur me rastin janë ndërmarrë të gjitha veprimet e menjëhershme policore, ku në vendngjarje kanë dalë edhe njësitet policore të rendit nga stacioni policor Zubin Potok, të cila kanë njoftuar se njësiti kufitar janë sulmuar me armë zjarri, përveç dëmeve materiale në automjet nuk raportohet për zyrtarë të lënduar”, tha Kelani.
Ndryshe, Policia është sulmuar disa herë gjatë javëve të fundit në veri të vendit.
Ministri i Punëve të Brendshme, Xhelal Sveçla më 15 prill së bashku me drejtorin e përgjithshëm të PK-së, Samedin Mehmeti kishin bërë të ditur se policia ishte cak i sulmeve të armatosura të grupeve kriminale në veri.
Sulmi i parë ka ndodhur më 13 prill, ndërsa për një javë janë regjistruar pesë sulme në total.
Në sulmet ndaj policisë janë përdorur iriqë metalikë, gurë, granata dore, armë automatike dhe mjete piroteknike.
Po ashtu, ka pasur dyshime se disa nga të shtënat kanë ardhur nga territori i Serbisë./teve1.info/
