Një person ka vdekur dhe disa të tjerë janë lënduar pasi një veturë përplasi turmën në qytetin perëndimor të Gjermanisë, Mannheim.
Pas këtij sulmi, Konsullata e Republikës së Kosovës në Shtutgart ka njoftuar se është në kontakt të vazhdueshëm me autoritetet gjermane dhe me pjesëtarët e mërgatës në këtë qytet.
“Pas sulmit që ndodhi sot në qytetin e Mannheim-it, Konsullata e Republikës së Kosovës në Shtutgart është në kontakt të vazhdueshëm me autoritetet gjermane dhe me pjesëtarët e mërgatës sonë në këtë qytet.Lusim të gjithë shtetasit e Republikës së Kosovës, që kanë nevojë për ndihmë, të na kontaktojnë në numrin emergjent të Konsullatës: +49 152 37337814.Ju lutemi të qëndroni të sigurt dhe të ndiqni udhëzimet e autoriteteve lokale”, thuhet në njoftim.
Ndryshe, një i dyshuar është arrestuar dhe një operacion i madh është duke u zhvilluar në qendër të qytetit, ka raportuar BBC.
Një dëshmitar okular që kishte qëlluar i ulur në një restaurant aty pranë i kishte thënë mediave lokale se “i gjithë ferri shpërtheu” pas incidentit.
