Asociacioni i Gazetarëve të Kosovës ka bërë të ditur se në mesin e gazetarëve të lënduar gjatë sulmeve të sotme në Leposaviq, ka mbetur edhe Qëndresa Sinani, nga mediumi i Klan Kosovës.
Sipas AGK-së, Sinani ka qenë në turmën e medieve që është gjuajtur me gurë nga protestuesit e maskur, ku ka marrë lëndime në këmbën e djathtë.
“Asociacioni i Gazetarëve të Kosovës është tejet i shqetësuar me sulmet fizike kundër gazetarëve që kanë ndodhur sot në Komunën e Leposaviqit, andaj bën thirrje të gjithë kolegëve që të kenë kujdes të shtuar gjatë raportimit, dhe të mos rrezikojnë sigurinë e tyre fizike”, thuhet në njoftimin e AGK-së.
Gjithashtu, AGK i ka bërë thirrje Policisë së Kosovës, që t’i sjellë para drejtësisë sa më parë sulmuesit e gazetarëve./teve1.info/
