Policia e Kosovës ka konfirmuar se ka pasur të shtëna me armë rreth orës 10:30 minuta në lagjen në Veternik në Prishtinë.
Zëdhënësja e Policisë për rajonin e Prishtinës, Flora Ahmeti ka thënë se dyshohet për një grabitje të armatosur, ku një person është plagosur.
“Sot rreth orës 10:30, kemi pranuar informatën për të shtëna me armë në lagjen Veternik në Prishtinë, ku është plagosur një person. Bazuar në të dhënat e deritanishme, rasti dyshohet se ka ndodhur gjatë një grabitjeje të armatosur ndaj pjestarëve që po siguronin një furgon që transportonte para”, ka thënë Ahmeti për teve1.info.
Ajo ka bërë të ditur se personi i lënduar është dërguar për tretman mjekësor ndërkohë që hetuesit policorë në koordinim me Prokurorinë, janë duke ndërmarrë të gjitha masat e nevojshme për identifikimin dhe arrestimin e të dyshuarve, si dhe për zbardhjen e plotë të rrethanave të rastit.
Grabitje e armatosur në Prishtinë, një i plagosur në gjendje të rëndë
