Abazi në një lidhje direkte në emisionin “Info Nata” në Tëvë1, tha se një kaos kibernetikë po ndodh në gjithë botën dhe jo vetëm në Kosovë.
“Në përgjithësi unë mendoj që është një kaos kibernetikë në gjithë botën dhe kjo nuk po ndodh vetëm me Kosovën por është duke ndodhur me shumë shtete të botës dhe korporata të mëdha nëpër botë”, deklaroi ai.
Sipas tij, Kosova dhe Shqipëria duhet t’i shtojë shumë më shumë masat si shtet dhe t’i jep rëndësi fushës së sigurisë kibernetike.
“Digjitalizimi i shërbimeve që Kosova po kalon edhe Shqipëria që e bën, ne duhet t’i shtojmë shumë më shumë masat si shtet, duhet t’i japim shumë rëndësi kësaj pune të fushës së sigurisë kibernetike edhe pse ndonjëherë mund të na duket jo shumë e rëndësishme”, theksoi Abazi. /teve1.info/
