Forcat izraelite kanë vazhduar sulmet ajrore në Gaza, pavarësisht pauzave të njoftuara në luftime në disa zona, duke lënë të vrarë 43 persona, përfshirë 29 palestinezë që prisnin ndihmë, thanë burimet mjekësore për Al Jazeera.
Sulme pati edhe në njërën nga zonat që është përcaktuar si zonë e sigurtë dhe ku forcat izraelite do të ndalojnë operacionet e tyre ushtarake.
Sipas palestinezëve në atë zonë, ata thanë se ishte shënjestër një furrë buke ku palestinezët po piqnin ushqim.
Megjithatë këtë njoftim për armëpushim të pjesshëm në disa zona, Drejtori i përgjithshëm i Ministrisë Palestineze të Shëndetësisë në Gaza, Munir al-Bursh, e ka cilësuar si një kohë të vlefshme “për të shpëtuar ata që janë ende gjallë”.
“Mes një armëpushimi të përkohshëm të mbytur nga hezitimi dhe heshtja ndërkombëtare, të plagosurit po bërtasin për ndihmë, fëmijët po vdesin urie dhe nënat po shemben mbi rrënojat e asaj që ka mbetur nga jeta”, tha al-Bursh në një deklaratë në Telegram.
Në një sërë kërkesash, al-Bursh bëri thirrje për evakuimin urgjent të personave me lëndime serioze, përfshirë ata që kanë nevojë për ndërhyrje kirurgjikale komplekse dhe pacientët në rrezik vdekjeje nëse nuk transferohen./teve1/
