Një person është arrestuar pasi dyshohet se ka sulmuar fizikisht katër persona në fshatin Kllokot, në mesin e të cilëve edhe dy zyrtarë policorë.
Sipas njoftimit zyrtar të Policisë, rasti ka ndodhur më 12 shkurt 2026, rreth orës 09:00.
“Është arrestuar i dyshuari mashkull kosovar pasi që i njëjti kishte sulmuar fizikisht katër viktimat meshkuj kosovarë, në mesin e tyre dy zyrtar policorë të cilët kanë pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.”
Dy zyrtarët policorë, të cilët ishin në mesin e viktimave, kanë pranuar trajtim mjekësor pas sulmit. Lidhur me rastin, i dyshuari është intervistuar dhe me vendim të prokurorit është dërguar në mbajtje.
Rasti është iniciuar si “Sulm ndaj personit zyrtar” dhe “Asgjësim apo dëmtim i pasurisë”, ndërsa hetimet për zbardhjen e plotë të ngjarjes janë në vazhdim.
