Aty dyshohet se ngasësi ishte në shpejtësi dhe ndaj tij u shqiptua një gjobë trafiku.
Pas kësaj, në vendngjarje kishin dalur familjarët e shoferit, ku dyshohet se kishin nisur një konflikt me zyrtarët policorë si rrjedhojë e gjobës që ju shqiptua ngasësit.
Aty kishte nisur konflikti ku edhe ishte përdorur arma e zjarrit, lajm të cilin e ka konfirmuar edhe Policia e Kosovës.
Njëri ndër të intervistuarit e policisë në stacionin policor në Skenderaj, është ish nënkryetari i kësaj komune, Nuredin Lushtaku.
Dyshohet që ish deputeti i PDK-së bashkë me disa familjarë i kanë dal në ndihmë djalit të Lushtakut, Arbërit që ishte dënuar nga policia.
Pas intervistimit të Lushtakut, Artan Qerkini ka thënë që klienti i tij është liruar në procedurë të rregullt.
Kurse Inspektoriati Policor ka thënë që deri më tani nuk ka asnjë polic të dyshuar për incidentin e mbrëmshëm në Skënderaj, prandaj hetimet lidhur me këtë incident do t’i vazhdojë Policia e Kosovës.
E shqetësuar është shprehur edhe sindikata e Policisë së Kosovës.
Tëvë1 tentoi të merr një përgjigje nga stafi i QKUK-së mbi gjendjen e të lënduarve, mirëpo të njëjtët nuk u përgjigjën.
Raporti i gazetares Albiona Hajdari.
