Ekipi që po e kalon stinorin debutues në Superligë, Suhareka, ka zyrtarizuar qendërsulmuesin e ri në ekip sot, duke bërë të ditur se ka nënshkruar me Drin Ymerin.
Ky i fundit, që në fillim të verës 2024 u bë pjesë e Gjilanit, shkëputi marrëveshjen me bashkëpunim me të kuqtë e Anamoravës në afatin kalimtar të janar. Dhe shpejt, gjeti shtëpi tjetër, duke u bërë pjesë e Suharekës.
Ymeri përndrsyhe ka kaluar kohë mjaft të mirë te 2 Korriku e Vjosa disa stinorë më parë, duke shënuar shumë gola, por këtë formë nuk e gjeti në ekipe të Superligës.
Qendërsulmuesi 25 vjeçar këtë stinor ka pasur gjashtë paraqitje te Gjilani në Superligë, të gjitha si zëvendësues, ndërsa ka regjistruar pak minuta në fushë.
Sa për kuriozitet, Suhareka aktualisht ka golashënuesin më të mirë të Superligës në ekip, Mevlan Zeka. Ndërsa me Ymerin pritet që ta pushojë sado pak Zekën, kurdo që ekipi ka mundësi, e ndonjëherë edhe të shtojë forcë sulmi.
