Skuadra e Ferizajt ka prezantuar një emër të madh të futbollit kosovar, si përforcim i ri, për sezonin që sapo ka nisur.
“Ujqit” kanë prezantuar të premten sulmuesin e njohur Suad Sahiti, i cili ka bërë karrierë në Kroaci, Poloni e Bullgari.
“Prezantojmë përforcimin më të ri të klubit tonë – sulmuesin Suad Sahiti!
Sahiti vjen me përvojë të vlefshme nga klube të njohura si: Shibenik (Kroaci), Wisła (Poloni), Septemvri Sofia (Bullgari) dhe Feronikeli (Kosovë)”, ka shkruar klubi në Facebook, pas prezantimit të futbollistit.
Sahiti së fundit u prezantua në Kosovë edhe te Prishtina e Re, por pa asnjë paraqitje, e njëjtë ishte edhe me Llapin një vit më parë.
