Presidenti i Serbisë, Aleksnadar Vuçiq, ka reaguar pasi Komisioni Qendror i Zgjedhjeve (KQZ), nuk e ka certifikuar Listën Serbe për pjesëmarrje në zgjedhje të 9 shkurtit.
Vuçiq deklaroi se kryeministri Abin Kurti po provon ta heq “kundërshtarin e vetëm politik në Kosovë, që është Lista Serbe”.
“Tash Albin Kurti po provon të heq një kundërshtar të vetëm politik në Kosovë, që është Lista Serbe. Kurti me ndihmën e aleatëve të tij dëshiron ta dëbojë popullin serb nga krahina jugore. Po ashtu, pres, që në shtatë ditët e ardhshme, sanksionet amerikane kundër NIS-it”, ka shkruar Vuçiq.
Ai ka thënë se “qëllimi përfundimtar është kolapsi i Serbisë”.
“Serbinë nuk ia japim askujt dhe Serbia nuk ndalet! S’ka dorëzim!!”, ka shkruar Vuçiq.
