Studenti shqiptar nga Kosova në Vjenë, Flamur Lladrovci ka folur për përplasjen që pati me politikanin serb, Vuk Jeremiq për çështjet që lidheshin me Kosovën.
Lladrovci në një lidhje direkte në emisionin “Ditari” në Tëvë1, tregoi arsyet e përballjes me Jeremiq, ku tha se çështja ishte për njohjet e Kosovës si dhe minoritetet.
“Moderatori i intervistës që ka qenë drejtori i Akademisë Diplomatike në Vjenë e nënvizoi se mbi 100 shtete e kanë pranuar shtetin e Kosovës. Menjëherë Jeremiq e kundërshtoi dhe tha se nuk është e saktë sepse që nga 2008-ta kur u shpall pavarësia shumë shtete e kanë tërhequr pavarësinë e Kosovës dhe për momentin janë ndër 90 shtete. Pastaj i pati edhe disa pika që tha se minoriteti serb që jeton në Kosovë po jeton në kushte katastrofale. Këto kanë qenë pikat që unë nuk kuptova, kur e pas që nuk pati asnjë reagim dhe kur më dha mundësia për dy tri pyetjet e fundit u çova unë dhe fillimisht e korrigjova”, ka deklaruar ai.
Lladrovci thotë se përmirësoi Jeremiqin në ato pika që përmendi ky i fundit.
“E përmirësova në ato pikat që janë mbi 100 shtete që e kanë pranuar Kosovën dhe thash saktësisht 115 shtete. Pastaj thash që ai po i përmend minoritet serbe në Kosovë po jetojnë shumë keq, por në fakt nuk po i përmend minoritetet shqiptarë që jetojnë në Preshevë e Bujanovc”, përfundoi Lladrovci. /Teve1.info/
