Njëri nga organizatorët e protestave pro-palestineze në Universitetin e Kolumbias është arrestuar nga zyrtarët e emigracionit teksa merrte pjesë në një intervistë si pjesë e aplikimit të tij për shtetësi amerikane, ka thënë avokati i tij.
Mohsen Mahdawi, një mbajtës i kartonit jeshil i cili do të diplomohet muajin e ardhshëm nga kolegji i New York City, u arrestua të hënën në Colchester, Vermont, ka raportuar BBC.
Avokati i tij tha se Mahdawi u mor në paraburgim “në shenjë hakmarrjeje të drejtpërdrejtë” për rolin e tij në demonstratat e kampusit kundër luftës Izrael-Gaza.
Të tjerë që morën pjesë në protestat e kampusit kundër luftës, duke përfshirë Mahmoud Khalil të Universitetit të Kolumbisë dhe Rumeysa Ozturk të Universitetit Tufts, janë arrestuar.
Avokatja e tij, Luna Droubi, tha: “Administrata Trump e ndaloi Mohsen Mahdawin në hakmarrje të drejtpërdrejtë për mbrojtjen e tij në emër të palestinezëve dhe për shkak të identitetit të tij si palestinez.
“Arrestimi i tij është një përpjekje për të heshtur ata që flasin kundër mizorive në Gaza. Është gjithashtu antikushtetues.”
Dokumenti gjyqësor thotë se Mahdawi ka lindur në një kamp refugjatësh në Bregun Perëndimor dhe është zhvendosur në SHBA në vitin 2014.
Vendndodhja e Mahdawi, i cili ka mbajtur statusin e rezidentit të përhershëm në SHBA që nga viti 2015, nuk dihet, sipas zonjës Droubi.
