Që nga fundi i nëntorit Studentët në Serbi kanë shprehur masivisht pakënaqësinë e tyre për situatën socio-politike në vend, duke bllokuar fakultetet e tyre. Studentet po kërkojnë të përcaktohet përgjegjësia dhe të ndiqen penalisht ata që janë fajtorë për aksidentin në stacionin hekurudhor në Novi Sad.
Studentet serbë janë mbledhur sërish në Beograd për te protestuar kundër regjimit të Aleksandar Vuciqit.
Protestuesit përveç pakënaqësive me situatën politike në vend, po protestojnë edhe për tragjedinë në Novi Sad ku humbën jetën 15 persona si pasojë e shembjes së një tende betoni.
Dushan Kokot, kryetar i Sindikatës së Pavarur të Punëtorëve të Arsimit të Serbisë, deklaroi se do t’i qëndrojnë afër studenteve në këto protesta kundër qeverisë.
“Mendoj se mësuesit sot treguan se janë të gatshëm të qëndrojnë pranë nxënësve të dikurshëm dhe aktualë. Edhe nëse ata e kanë gabim ky vend është i tyre dhe ne do t’u qëndrojmë me gjithë zemër deri në fund”, tha Kokot.
Studenti Milan Bjelanoviq, po kërkon përgjegjësi nga zyrtarët shtetëror serbë për këtë tragjedi.
Ai në të njëjtën kohë ka kërkuar që të lirohen të gjithë aktivistët e arrestuar.
“Ne jemi këtu sot, për 15 minutat e fundit, për të qëndruar në 15 minuta heshtje për viktimat e krimit të Novi Sadit. Dhe përgjithësisht të gjithë jemi pjesëmarrës në këtë protestë aktive sepse duam përgjegjësi për ngjarjet që kanë ndodhur muajin e kaluar. Së pari, ajo që ndodhi me tarracën (mbulesën e betonit) në Novi Sad në stacionin hekurudhor, pas kësaj disa studentë dhe aktivistë u arrestuan dhe gjithashtu u rrahën ose u sulmuan nga persona të caktuar dhe ne duam përgjegjësi për të gjitha këto dhe për ata studentë. dhe aktivistët të lirohen”, tha studenti Bjelanoviq.
Ndërtesa e stacionit në Novi Sad u rinovua dy herë në vitet e fundit dhe shumë në Serbi besojnë se korrupsioni i shfrenuar çoi në punë të ngadaltë për rindërtimin, e cila ishte pjesë e një marrëveshjeje më të gjerë me kompanitë shtetërore kineze të përfshira në një sërë projektesh infrastrukturore në vendin ballkanik.
Kjo tragjedi gjithashtu është bërë një pikë ndezje për pakënaqësi më të gjerë me sundimin autokratik në rritje të presidentit popullist, Aleksandar Vuçiç, duke reflektuar kërkesat publike për ndryshime demokratike.
Qeveria e Vuçiqit ka kërkuar të zbusë pakënaqësinë në rritje duke publikuar rreth 130 dokumente në lidhje me rinovimin e ndërtesës së stacionit hekurudhor, që ka qenë një nga kërkesat e protestës.
