Me valixhe në duar e të organizuar, pikë -takim e kanë stacionin e autobusëve në veri të Mitrovicës.
Me të shënuar ora 10:00 e mëngjesit, studentët serbë fillojnë të mblidhen afër automjeteve me të cilët do të udhëtojnë.
E destinacion e kanë rrugën përmes pikës kufitare Jarinje për të kaluar në Serbi.
Atje do të marrin pjesë në protestën më masive që është organizuar deri tash kundër pushtetit të presidentit serb, Aleksandër Vuçiq e cila do mbahet të shtunën në Beograd.
Tëvë1 qëndroi deri në momentin e nisjes së autobusit me të rinjtë serbë.
Por ata nuk pranuan të flasin para kamerës.
Ky nuk ishte organizimi i parë i këtij lloji, pasi që tash e disa javë, kompania emër i njohur për televizionin që dërgon serbët e veriut në Beograd, ka shpeshtuar këtë linjë.
Kjo u konfirmua përmes telefonit edhe nga vet kompania.
E shtuna pritet të jetë ditë goxha dramatike në Serbi, andaj me gjithë këto zhvillime gazetari serb, Branislav Krstiq thotë që presidentit serb iu është lëkundur karrigia.
Televizioni ka raportuar vazhdimisht edhe për protestën e thirrur nga vet Aleksandër Vuçiq, i cili ka ftuar përkrahësit e tij edhe nga Kosova të bëhen pjesë e atyre të ashtuquajturve studentë që po qëndrojnë në tenda, afër pallatit presidencial në Beograd.
Në mesin e tyre, janë ish-zyrtar policor të komunitetit serbë nga veriu i Kosovës, punonjës të komunave paralele, të cilët dyshohet se paguhen 50 deri 100 euro në ditë për qëndrim atje.
