Gara “Willem C. International Arbitration Moot” është një paragarë shumë e fuqishme internacionale në fushën e të drejtës ndërkombëtare, ku në të gjithë botën paraqitet në problem fiktiv, që hartohet dhe që është shumë i bazuar në ngjarje të zakonshme, ku në të nxirren probleme të cilat janë më pak të trajtuara në shkencën e drejtësisë” tregoi profesoresha Donikë Qerimi.
Ekipi fitues ishte i përbërë nga Art Sylaj, Dior Zhuri, Ernesa Shala, Lekë Morina dhe Morea Salihu, ekipi u trajnua nga profesoreshat Donikë Qerimi dhe Lyra Çela, doktorante në Programin e së Drejtës Ndërkombëtare, në Fakultetin Juridik të Universitetit të Prishtinës.
Nga ekipi fitues ka qenë edhe studenti Lekë Morina i cili në këtë paragarë është shpallur si folësi më i mirë, në mesin e më shumë se 60 folësve të tjerë.
“Ky çmim mua me ka bërë të ndihem shumë mirë, pavarësisht se ka qenë një paragarë konkurenca ka qenë mjaft e lartë sepse kanë qenë pjesëmarrës studentë nga Universitete me renome Botërore” u shpreh Morina
Paragara e Zenicës, që u mbajt në Sarajevë dhe Zenicë të Bosnjë dhe Hercegovinës është njëra nga paragarat më të fuqishme në Evropë, me konkurrencë të lartë të studentëve nga Universitetet më të fuqishme të rajonit.
