Departamenti Amerikan i Shtetit ka përshëndetur vendimin e Qeverisë në detyrë të Kosovës, e cila ka vendosur që të ofrojë mbrojtje të përkohshme për 50 persona nga shtetet e treta, në kuadër të bashkëpunimit me Shtetet e Bashkuara të Amerikës.
Qeveria në detyrë njoftoi se qëndrimi i 50 personave në vend, të cilët më pas do të kthehen në vendet e tyre të origjinës do të menaxhohet dhe koordinohet nga Ministra e Punëve të Brendshme.
Në konfirmimin për Tëvë1, DASh këtë vendim se ka cilësuar si bashkëpunim të rëndësishëm për prioritetet e administratës së presidentit Trump.
“Jemi mirënjohës ndaj partnerit tonë Kosovë për pranimin e shtetasve të vendeve të treta të larguar nga Shtetet e Bashkuara dhe për lehtësimin e kthimit të sigurt të këtyre personave në vendet e origjinës”, thuhet në deklaratën e DASH-it./teve1.info/
