Sekretari i Përgjithshëm i NATO-s, Jens Stoltenberg në Komisionin për Punë të Jashtme të Parlamentit Evropian ka folur edhe për Kosovën.
Derisa po fliste për bashkëpunimin mes BE-së dhe NATO-s, ai e përmendi edhe Kosovën, duke thënë se si NATO-ja po ashtu edhe BE-ja, ‘po punojnë dorë për dore në Ballkanin Perëndimor dhe në Kosovë.
“Është mirë që të shohësh që vit për vit ne kemi qenë në gjendje të forcojmë bashkëpunimin mes NATO-s dhe Bashkimit Evropian, në kibernetikë, në hapësirë, në infrastrukturën kritike, në lëvizshmërinë ushtarake dhe ne punojmë dorë për dore në Ballkanin Perëndimor, në Kosovë”, tha Stoltenberg, gjatë adresimit në PE.
Ndryshe, shefi i NATO-s gjatë ditës do të takohet edhe me presidentën e Kosovës Vjosa Osmanin, me të cilën do të realizojë takim bilateral.
Osmani dhe Stoltenberg do t’u adresohen gazetarëve në një konferencë të përbashkët për media, pas përfundimit të takimit./rtk
