Gjithashtu, Stoltenberg ka thënë se trupat e KFOR-it mbështesin gjithmonë përpjekjet e diplomatëve të Bashkimit Evropian, të cilën kanë për synim të arrijnë përparim në dialogun Kosovë-Serbi, pra me ndërmjetësimin e Unionit.
“Ballkani Perëndimor është një rajon në Europë ku BE dhe NATO bashkëpunojnë shumë ngushtë. Ne ndihmuam për t’i dhënë fund dy luftërave brutale, fillimisht në Bosnje dhe Hercegovinë, pastaj në Kosovë”, tha ai pas takimit të ministrave të mbrojtjes të vendeve anëtare të Aleancës në Bruksel.
“Ne kemi prezencën tonë, misionin e KFOR-it në Kosovë. Aleatët janë të përkushtuar të vazhdojnë të kontribuojnë për forcat”, tha Stoltenberg në përgjigje të pyetjeve të gazetarëve nga Ballkani Perëndimor.
Ai ka deklaruar se në takimin në Bruksel ka pasur njoftime të reja nga disa shtete për rritjen e mbështetjes për misionin e KFOR-in.
Duke folur për Bosnjën dhe Hercegovinën, ai tha se është një nga vendet që janë në rrugën e anëtarësimit në NATO, të cilin Aleanca e mbështet.