Edhe pse ishte në epërsi prej dy golave deri 25 minutat e fundit të ndeshjes, Drita pësoi humbje nga Steaua e Rumanisë në në ndeshjen e parë të raundit të tretë të Ligës së Evropës.
Në duelin e parë të luajtur në Bukuresht, të enjten mbrëma, Steaua triumfoi ndaj Dritës me rezultatin minimal 3:2.
Në fakt, Steaua e fitoi këtë ndeshje në 25 minutat e fundit të ndeshjes, pasi në këtë periudhë kohore shënoi tre gola.
Drita pati paraqitje shumë të mirë në përgjithësi dhe ishte në epërsi prej dy golave, ku pjesën e parë e mbylli me avantazhin 1:0.
Veton Tusha në minutën e 7-të zhbllokoi rezultatin e ndeshjes për ti dhënë epërsinë Dritës, ndërsa më të filluar pjesa e dytë, kampionia e Kosovës e dyfishoi epërsinë me anë të Arb Manajt që realizoi në minutën e 56-të.
Steaua, fillimisht ngushtoi epërsinë në 2:1 me anë të Daniel Birligea (64’), përpara se të barazojë rezultatin në minutën e 72-të nëpërmjet Daniel Graovac.
Kur pritej që ndeshja të përfundonte 2:2, në minutën e katërt të kohës shtesë, Steaua shënoi golin e fitores me anë të Birligeas që realizoi nga penalltia.
Dueli i kthimit mes këtyre dy skuadrave, do të luhet javën e ardhshme në stadiumin “Fadil Vokrri” në Prishtinë.
