Deputetja nga Partia Guxo, Jeta Statovci, ka folur rreth vizitës së saj zyrtare në Shtetet e Bashkuara të Amerikës.
Statovci tregoi se Kosova dhe shteti i Algjerisë, kanë ndërmarrë hapat e parë për të krijuar raporte mes vete.
“Këto janë takime të përvjetshme. Personalisht si delegacion nga Kosova patëm rastin të takohemi lidershipin për Punë të Jashtme nga shteti i Algjerisë, ku patëm një shkëmbim të dy anshëm për të ndërmarrë hapa konkret drejt formalizimit të pjesëmarrjes të misioneve diplomatike në vende. Algjeria duke mos qenë vend mosnjohës ndaj Kosovës, këta mund të jenë disa nga hapat e parë në rrafshin e fillimit të raporteve mes të dy vendeve. Agjenda është përcjellur edhe me takime të rrafshit politik”, deklaroi Statovci në emisionin “Info Nata” në Tëvë1.
Madje sipas saj, Kosova ka pasur progres të dukshëm në raport me sundimin e ligjit.
“Sytë në raport për një storie suksesi për rajonin, janë te Kosova. Kemi formalizim edhe të ekonomisë”, shtoi tutje ajo./teve1.info/.
