Po bëhet gati një vit që kur Kosova është nën masa ndëshkuese nga blloku evropian për shkak të tensioneve në veriun e vendit.
Shtetet anëtare të Unionit Evropian akoma nuk janë bindur për t’i hequr këto masa ndëshkuese pavarësisht se situata është me qetë në katër komunat veriore.
Të martën nga Brukseli, zëdhënësi i BE-së, Peter Stano ka njoftuar së çështja e masave do të diskutohet në Këshillin Evropian.
Mirëpo kjo do të ndodhë vetëm atëherë kur shefi i diplomacisë evropiane, Josep Borrell e dorëzon raportin.
“Mesazhi i Këshillit Evropian në dhjetor për masat ka qenë shumë i qartë, se Këshilli do të diskutojë heqjen e mundshme të masave të BE-së në varësi të zhvillimeve në terren në bazë të raportit të Përfaqësuesit të Lartë rreth përmbushjes së kërkesave të BE-së që iu kërkuan Kosovës. Unë mund të konfirmoj pa diskutuar në publik vijueshmërinë e procesit në Këshill, mund të konfirmoj që raporti është afër finalizimit dhe eventualisht të dorëzohet tek Këshilli Evropian. Lidhur me përmbajtjen s’mund të komentojë sepse këto janë procedura brenda Këshillit”, ka thënë Stano, raporton Tëvë 1.
Ditë më parë kryeministri i Kosovës, Albin Kurti, ka thënë se Kosova ka përmbushur të gjitha kërkesat e BE-së për heqjen e masave kufizuese.
