Zëdhënësi i Komisionit për Punë të Jashtme, Peter Stano, nuk e ka komentuar draftin e Asociacionit të publikuar nga ish-kryeinspektori i AKI-së, Burim Ramadani.
Stano është deklaruar se nuk e njeh Ramadanin, derisa ka thënë se nuk sheh ndonjë arsye për të komentuar diçka që ai ka publikuar.
“Nuk e di kush është zoti Ramadani dhe nuk shoh asnjë arsye për të komentuar ndonjë gjë që ai mund të pretendojë apo publikojë”, tha Stano për Euractiv.
Stano tha se një propozim i ri i balancuar evropian për Asociacionin është paraqitur në fund të Evropës dhe është diskutuar nga të dyja palët.
Sipas tij, propozimi i BE-së, nuk është bërë publik, pasi që përpjekjet diplomatike janë në vazhdim.
“Ne kurrë nuk kalojmë dokumente zyrtare që po diskutohen dhe presim të njëjtën gjë nga partnerët, pasi është praktikë normale në ndërmjetësimin ndërkombëtar që procesi të zhvillohet në konfidencialitet,” tha ai, duke shtuar se është politikë shumëvjeçare e Komisionit të mos komentojë mbi rrjedhjet e supozuara./teve1.info/
