Lista Serbe e ka quajtur presion dhe frikësim për t’i dëbuar serbët, arrestimin e të dyshuarit për krime luftë ndaj civilëve shqiptarë, Zlatko Arsiq.
Srpska duke e quajtur ministrin e Brendshëm Xhelal Sveçla “ministër Safari”, kanë thënë se ai e ka shpallur Arsiqin fajtor pa vendim të organeve të drejtësisë.
“Gëzimi i ministrit safari Xhelal Sveçla, i cili flet për kënaqjen e drejtësisë dhe fajin e zotit Arsiq para çdo vendimi gjyqësor, shqetëson të gjithë serbët dhe të gjithë ata që duan të besojnë në ligj dhe drejtësi, postulati bazë i të cilit është se askush nuk është fajtor derisa të vërtetohet ndrysge, gjë që fatkeqësisht nuk vlen për serbët në Kosovë dhe Metohi”, thuhet në reagim.
Madje kjo parti i ka bërë thirrje institucioneve që t’i kërkojnë Sveçlës përgjegjësi për fjalët e tij.
“U bëjmë thirrje përfaqësuesve të QUINT-it, Zyrës së Bashkimit Evropian, Eulex-it, UNMIK-ut, OSBE-së dhe të gjithë të tjerëve që urgjentisht të formojnë një ekip ligjor që do të ndjekë rastet kundër serbëve në gjykatat e Kosovës sepse shprehim dyshime serioze se serbët akuzohen pa asnjë provë., dhe po ashtu denoncojmë se akuzat e rreme përdoren për persekutimin e serbëve të mbetur, veçanërisht në jug të Ibrit”
