Hapësira që supozohet të përdoret për sport, tash e gati një muaj është shndërruar në Qendër të Numërimit të votave.
Me kuti të votimit e me ekipe të numërimit është edhe palestra sportive “Karagaq” në Pejë.
Drejtori i kësaj palestre, Egzon Gjuka, i cili është edhe sportist, thotë se kjo periudhë ka qenë e vështirë për ta.
Gjuka thotë se procesi i numërimit ka shkuar shumë gjatë.
E një datë se kur do të përfundojnë të gjithë votimet nuk e kanë Komisioni Qendror Zgjedhor.
Ata thonë se procesi është në përfundim.
“Palestrat sportive do të lirohen pasi të përfundojnë të gjitha procedurat e parapara ligjore që kanë të bëjnë me procesin zgjedhor për Zgjedhjet për Kuvendin e Kosovës. Ky proces, pothuajse është në përfundim”, tha zëdhënësi i KQZ-së, Valmir Elezi.
Sipas të dhënave zyrtare të Komisionit Qendror Zgjedhor shumica e vendvotimeve në komunat e vendit e kanë kryer numërimin.
