Komiteti Ekzekutiv i UEFA-s ka mbajtur sot një mbledhje të jashtëzakonshme pas përshkallëzimit të rëndë të situatës së sigurisë në Evropë.
Krerët e shtëpisë me të madhe në futboll kanë vlerësuar të zhvendosin finalen e Ligës së Kampionëve nga Shën Peterburg në “Stade de France”, në Paris, pas krizës në Ukrainë ku shteti i Rusisë ka nisur të pushtoj tokën ukrainase.
“Komiteti Ekzekutiv i UEFA-s vendosi të zhvendosë finalen e Ligës së Kampionëve të UEFA-s për meshkuj 2021/22 nga Shën Petersburg në Stade de France në Saint-Denis. Ndeshja do të luhet siç ishte planifikuar fillimisht të shtunën më 28 maj në orën 21:00”, thuhet në njoftimin e UEFA-së.
Ndërsa, UEFA për klubet ruse ka vendosur që ndeshjet si vendas t’i luajnë në vende neturale deri në një njoftim e radhës që pritet të merret nga shtëpia e futbollit.
“Në mbledhjen e sotme, Komiteti Ekzekutiv i UEFA-s vendosi gjithashtu që klubet dhe ekipet kombëtare ruse dhe ukrainase që garojnë në garat e UEFA-s do t’u kërkohet të luajnë ndeshjet e tyre në shtëpi në vende neutrale deri në njoftimin e mëtejshëm”.
/Tëvë1/
