Trajneri i ri i Kosovës U21, Afrim Tovërlani ka publikuar listën për ndeshje miqësore që do t’i zhvillojë në Turqi.
Njomakët “dardan” do të qëndrojnë për dhjetë ditë në Turqi, derisa njëra nga ndeshjet miqësore pritet të jetë me kombëtaren e cila ende nuk është pranuar në UEFA dhe FIFA, Grenland.
Tovërlani në listën e re ka të ftuar 25 futbollistë. Ai fillimisht tregoj se synimet e tij me ekipin “dardan” do t’i mësoj kur do të bashkëngjitet sëbashku me lojtarët.
“Synimet do të jenë, me tepër mund të flas tek pas grumbullimeve që do të kemi me futbollistë, dhe do ta shohim se çfarë skuadra mund të krijojmë nga këta që do të ftojmë. Gjithashtu do të varet nga shorti, pasi synimet gjithmonë janë për t’u arritur rezultate me të mira”, tha Tovërlani.
Njëashtu “toki” foli edhe për futbollistët që po e ndërrojnë Kosovën me Shqipërinë, apo edhe me vende të tjera.
“Dera e Federatës së Futbollit te Kosovës është gjithmonë e hapur për të gjithë. Ka futbollistë që edhe po zgjedhin, por kjo është kriju një veti jo e mirë, vjen te Kosova dhe je në bankë rezervë, dhe menjëherë gjen arsye se po shkoj te Shqipëria. Unë nuk jom që e ndali me shku te Shqipëria, por nuk është korrekte me ardh me kushtëzime, nëse dëshiron me përfaqësu shtetin tënd”, tha Tovërlani.
Tovërlani është emëruar trajneri i ri i Kosovës U21, pas ndërprerjes së kontratës me teknikun gjerman Michael Nees, ku me pas detyrën e ushtroj Albert Bunjaku deri në momentin kur u emërua Afrim Tovërlani. /Tëvë1/
