Ballkani mbrëmjen e së enjtës vazhdon rrugëtimin në garat evropiane, përkatësisht në Ligën e Konferencës, ku sot do të përballet me Slavia Pragën.
Ndeshja e cila është në kuadër të fazës grupore, saktësisht në grupin G, do të zhvillohet në stadiumin “Fortuna Arena” nga ora 18:45.
Kampioni i Kosovës do të provojë të bëjë befasi në Pragë dhe të marrë tre pikë tejet të rëndësishme pas barazimit 1:1 me Kluzhin në “Fadil Vokrri”.
Ndonëse te portokallinjët e cilësojnë si favoritë Spartën e Pragës, premtojnë maksimumin ndaj klubit të madh nga Çekia. Megjithatë në anë tjetër edhe pse janë favorit, të klubi çek po e vlerësojnë me nota të larta kampionin e Kosovës.
Në Pragë, futbollistët e Ballkanit kanë mbërritur të mërkurën gjatë ditës, ndërsa pas konferencës në mbrëmje kanë zhvilluar edhe stërvitjen e fundit para ndeshjes kundër Slavias. Ilir Daja në dispozicion pritet ta ketë të gjithë kontingjentin e lojtarëve, me të rikthyerin kapitenin Edvin Kuc ku ësht lënduar nga sfida me Prishtinën, të cilët e fituan me shifra 1:0 në “Fadil Vokrri”.
Ndërkaq, Ballkani edhe ndeshjen e radhës në Evropë do ta luajë sërish në udhëtim, por në muajin e ardhshëm. Më 6 tetor do të përballet me Sivassporin në Turqi. /Tëvë1/
