Superkupa e Kosovës do të mbahet në kryeqytet. FBK ka shqyrtuar ofertën e skuadrës së Prishtinës, dhe ka marrë vendim se organizimin e Superkupës ta marrin bardhekaltërit. Turneu do të mbahet me datat 7-10 dhjetor 2022 në “Pallatin e Rinisë dhe Sporteve” në Prishtinë.
Vendimi i FBK-së:
Bordi i Federatës së Basketbollit të Kosovës (FBK) më 21.11.2022 e ka shqyrtuar ofertën e KB Sigal Prishtina për organizimin e Superkupës së Kosovës në datat 07-11 Dhjetor 2022 në Prishtinë dhe njëherësh e ka miratuar këtë ofertë, si dhe e ka udhëzuar KB Sigal Prishtina që të fillojë përgatitjet për këtë event madhështor, konform Udhëzuesit për Organizimin e Superkupës së Kosovës.
Ky vendim hyn në fuqi në ditën e miratimit të tij.
Në emër të Bordit të FBK-së, Arben FETAHU – Kryetar, Federata e Basketbollit e Kosovës
