Përfaqësuesja e Iranit ka shënuar fitoren e parë në Botërorin “Katari 2022”.
Të premten, në ndeshjen e xhiros së dytë të Grupit A, Irani triumfoi ndaj Uellsit me rezultatin 2:0.
Golat e fitores për Iranin, u shënuan në minutat e kohës shtesë. Fillimisht, në minutën e tetë të shtesës shënoi Rouzbeh Cheshmi, ndërsa tre minuta më vonë realizoi edhe Ramin Rezaeian.
Për Iranin, kjo është fitorja e parë në fazën e grupeve pas humbjes së thellë 6:2 nga Anglia në ndeshjen e parë.
Ndërkohë, Uellsi pësoi disfatën e parë pas barazimit 1:1 ndaj SHBA-së.
Me këtë humbje, Uellsi ka minimizuar gjasat për të avancuar nga grupi. Edhe pse nuk e pati posedimin e topit, Irani ishte shumë më i mirë se Uellsi dhe krijoi më shumë raste shënimi.
