Boksierja, Donjeta Sadiku ka shënuar edhe një tjetër fitore të madhe të mërkurën në turneun “Balkan” që po mbahet në Sofje të Bullgarisë.
Sadiku mposhti të mërkurën boksieren kroate që përfaqëson Zvicrën, Ana Milishiq. Është fitorja e dytë për Sadikun në kategorinë 60 kilogramë. Të martën ajo mposhti ish-kampionen e botës, francezen Maiva Hamadouche.
Me fitoren e arritur të mërkurën, Sadiku ka siguruar finalen e turneut në Bullgari. Muajin e ardhshëm, Sadiku paraqitet në Evropianin që mbahet në Budvë të Malit të Zi.
