Cristiano Ronaldo ka nisur të influencojë te planet e së ardhmes së Al Nassr, ndonëse ka pak ditë që ndodhet në Arabinë Saudite.
Portugezi i ka kërkuar klubit të tij të ri që të nisë punën për të afruar sa më shpejt Juan Cuadrado-n.
Mbrojtësi kolumbian është duke u ndjekur nga klubi saudit dhe planifikohet që të transferohet aty sapo t’i përfundojë kontrata me Juventus, për t’u bashkuar me ish-shokun e skuadrës, CR7.
Sipas raportimeve nga Italia “Zonja e Vjetër” ka vendosur të mos rinovojë kontratën e Cuadrados, që përfundon më 30 qershor.
