Prishtina i është kthyer fitoreve në Superligën e Kosovës në futboll. Ekipi kryeqytetas si vendas në kuadër të xhiros së shtatë, ka mposhtur me shifra 4:1 Malishevën në stadiumin “Sami Kelmendi”.
Bardhekaltërit punën e përfunduan që në pjesën e parë, duke mbyllur llogaritë herët me Malishevën.
Epërsia e hershme erdhi në minutën e parë me futbollistin Mendurim Hoti. Ndërsa shifrat u rritën në minutën e 27-të me realizator Kreshnik Ukën. Për 3:0 u përkujdes Endrit Krasniqi nga penalltia. Ndërkaq mysafirët ngushtuan epërsinë me Alban Shillovën në minutën e 39-të.
Kurse Prishtina në pushim shkoj e qëtë, pasi shënuan edhe golin e katërt në minutën e fundit të pjesës së parë me Kushtrim Gashin.
Pjesa e dytë ishte me e qetë pasi udhëheqësinë e rezultati e kishte Prishtina, teksa mysafirët krejt çka arritën të bëjnë ishte edhe goli i dytë të cilën e realizuan në minutën e 85-të me Fiton Hajdarin.
Prishtina me këtë fitore ngritet në kuotën e 11-të pikëve, derisa Malisheva mbetët me shtatë pikë. /Tëvë1/
