Kupa e Botës “Katar 2022” do të jetë më unike në histori. Ajo do të luhet midis nëntorit dhe dhjetorit, duke u zhvilluar për herë të parë në dimër.
Ky Kampionat Botëror do të bëhet turneu më i shtrenjtë në histori, pasi Katari ka investuar afro 200 miliardë dollarë në organizimin e tij.
Ndërkohë, shumica e yjeve të mëdhenj të futbollit do të jenë aty me Premier Ligën që dominon në listën e lojtarëve të ftuar.
Elita angleze është liga që do të ketë më shumë përfaqësues në këtë Botëror me 134 pjesëmarrës. Manchester City do të ketë 16 lojtarë në turne, i ndjekur nga rivalët Manchester United (14).
La Liga do të kontribuojë me 84 lojtarë në Kupën e Botës me Barcelonën dhe Real Madridin që përfaqësohen nga 16 dhe 13 lojtarë, respektivisht. Megjithatë, ka skuadra që nuk kanë asnjë lojtar në turne si Girona dhe Elche.
Ndërkohë, të gjitha skuadrat e Ligës Premier kanë të paktën një përfaqësues në turne.
Bundesliga renditet e treta me 73 lojtarë që shkojnë në Katar, por ata kanë ekipin me më shumë përfaqësues në turneun e Bayern Munich (17).
Liga gjermane pasohet nga Serie A (66 lojtarë) dhe Ligue 1 (52 lojtarë), ndërsa Elita e futbollit Amerikan është liga joevropiane me më shumë përfaqësues (35 lojtarë).
