Në këtë vikend do të zhvillohen ndeshjet e xhiros së dytë në Superligën e Kosovës në basketboll.
Në ditën e shtunë do të kemi dy ballafaqime tejet interesante. Ndeshja e parë do të jetë në mes kampionit në fuqi Golden Eagle Yllit dhe skuadrës më të trofeshme në basketbollin kosovar, Sigal Prishtinës.Ndeshja zhvillohet nga ora 17:00 në palestrën “13 Qërshori” të Suharekës.
Të dy këto skuadra në xhiron e parë patën humbje, Ylli pësoj në udhëtim tek Rahoveci, kurse Prishtinasit u mundën në shtëpi nga Klubi Basketbollistik Peja. Ndeshja tjetër e ditës së shtunë zhvillohet në “Sezai Surroi” në mes Ponte Prizrenit dhe Pejës.
Ku skuadra Prizrenase dëshiron të shënoi fitoren e parë në këtë edicion, E pejanët shpresojnë të rikthehen me fitore në “Karragaqi”. Ballafaqimi fillon nga ora 19:00.
E në ditën e dielë do të kemi dy super ballafaqime tjera. Nga ora 17:00 skuadra e Trepçës do të jenë nikoqir të skuadrës së Bashkimit.
Si Xehëtarët ashtu dhe portokall e zinjtë e Prizrenit kanë fitore në xhiron hapëse, ku Trepça fitoi në ballafaqimin me skuadrën e Ponte Prizrenit, kurse Bashkimi fitoi kundër skuadrës nga Gjakova, Vllaznimit.
E ndeshja e fundit e kësaj xhiroje do të luhet në “Shani Nushi”. Skuadra e rikthyer në Superligë do të përballet me skuadrën e Rahovecit.
