Sulmuesi kosovar Arbnor Muja ka vazhduar me formë të lartë në elitën e Belgjikës. 24-vjeçari nga Mitrovica të dielën shënoi gol të bukur për Antwerpin që fitoi bindshëm, 4:1, ndaj Standard Lieges.
Ndeshja i takoi xhiros së 22-të të kampionatit belg. Në minutën e 29-të, Muja konkretizoi me gol të bukur një kundërsulm të Antwerpit.
Ai startoi ndërsa luajti deri në minutën e 83-të. Muja ka shënuar në ndeshjen e dytë rresht. E ka edhe një asistim në 12 paraqitje. Me 45 pikë, Antwerpi është i treti në tabelë. Muja iu bashkua Antwerpit nga Drita e Gjilanit në verën e kaluar.
