Milani asesi të këndellet në Serie A, derisa në udhëtim ka barazuar me Lecce. Sfida që i ka takuar xhiros së 18 është mbyllur me shifra 2:2.
Vendasit e nisën fuqishëm ndeshjen, duke shënuar që në rastin e parë dhe këtë me ndihmën e kuqezinjve. Ishte Theo Hernandez që në minutën e 3-të dërgoi një top në portën e tij për rezultatin 1-0.
Të dy skuadrat kishin nga një rast para se të vinte golin i dytë, ku rrezikuan Federico di Francesco dhe Tommaso Pobega.
Në minutën e 23-të erdhi edhe goli i dytë ku Morten Hjulmand harkoi në zonë për të gjetur Federico Baschirotto që shënoi me kokë për ta dërguar rezultatin në 2-0.
Por kuqezinjtë u kthyen në lojë tek në pjesën e dytë, teksa në minutën e 58-të, me Rafael Leaon ngushtuan diferencën që shënoi për 2-1 me një goditje nga brenda zonës.
Trysnia e Milanit vazhdoi dhe kjo pati sukses, pasi që Davide Calabria shënoi pas asistimi të Olivier Giroud në minutën e 71-të. Goli u rishikua në VAR dhe u vendos që ishte i rregullt.
Deri në fund edhe pse dy skuadrat kishin raste, ndeshja u mbyll në barazim 2-2, ku Milani mbetet i dyti në renditje me 38 pikë.
