Milani ka fituar një depresion në kryeqytetin e Italisë, pasi ka humbur thellë nga Lazio. Biankoçelistët në “Olimpico” triumfuan me shifra 4:0 në kuadër të xhiros së 19 në Serie A.
Lazio e nisi furishëm nga pjesa e parë, ku pa u mbushur pesë minuta lojë, bardhekaltrit morën avatazhin falë golit të shënuar nga Milinkovic-Savic. Një aksion model i ekipit vendës u përmbyll në mënyrë perfekte nga mesfushori, që nuk i dha asnjë mundësi portierit Tatarusanu për ta ruajtur rrjetën të paprekur, 1-0.
Por dukej se mbrëmja nuk ishte aspak e Milanit. Në minutën e 38-të Lazio shënoi edhe golin e dytë me Zacagnin.
Më e keqja për Milanin do të vinte në pjesën e dytë. Në minutën e 67-të Luis Alberto shënoi golin e tretë me 11-metërsh, 3-0. Për të vulosur mbrëmjen e keqe të “Djallit” medon Felipe Anderson, që e çoi topin në rrjetë në minutën e 75-të.
Me këtë fitore Lazio ngritët në kuotën e 37 pikëve, teksa Milan mbanë ende vendin e dytë me 38 pikë. /Tëvë1/
