Lionel Messi vijon ende të dhurojë spektakël në fushën e blertë edhe pse tashmë është në moshën 35-vjeçare. Megjithatë, koha punon kundër një prej lojtarëve më të mëdhenj në historinë e futbollit dhe ashtu siç edhe ai vetë e pranon, nuk do të jetë e largët dita kur të tërhiqet.
Messi ka qartësuar edhe pasi të “varë këpucët në gozhdë” do të qëndroj pranë botës së futbollit, por nuk e ka vendosur se cilin pozicion do të mbajë.
“Të luaj futboll është gjëja më pëlqen dhe më argëton më së shumti. Është i vetmi profesion që kam ndjekur përgjatë gjithë jetës sime, kur të tërhiqem mendoj se do të qëndroj pranë botës së futbollit. Por, nuk e di në çfarë roli. Nuk besoj se do të luaj edhe për shumë kohë”, tha Messi.
Ndonëse albiçelestët në opionionin e gjerë po llogaritën si favorite kryesor për të fituar botërorin “Katar 2022”, megjithatë Messi largoi presion nga vetja, duke numëruar disa shtetet të tjera para Argjentinës.
“Favoritët janë ato të përhershmit. Mund të ketë surpriza, por kombëtaret që mund të fitojnë janë të njëjtat. Mendoj se në “Pole Position” është Brazili, Franca, Anglia, por në një Botëror gjithçka mund të ndodhë”, potencoi ylli argjentinas.
Argjentina gjatës ditës së enjte ka zbarkuar në Katar, dhe sfidën e parë do të luajë ndaj Arabisë Saudite me 22 nëntor, teksa është shortuar në grupin C ku për kundërshtar ka edhe Poloninë e Meksikën.
