Julian Nagelsmann po kalon një moment të vështirë në stolin e Bayern Munchen. Ekipi bavarez numëron vetëm 12 pikë në shtatë ndeshjet e para në kampionatin gjerman, aty ku mban për momentin vendin e pestë në renditje.
Në skenë ka dalë emri i Thomas Tuchel si zëvendësuesi i 35-vjeçarit, por te Bayerni nuk kanë ndërmend të bëjnë një ndryshim në pankinë në këto momente. Oliver Kahn qetësoi Nagelsmann, duke deklaruar se pozicioni i tij është i sigurt.
Njësoj mendon edhe Lothar Matthaus. Legjenda e Bayernit dhe kombëtares gjermane, shprehu gjithë besimin e tij për trajnerin e ri në një prononcim për SportBild.
“Nuk ia dhuruam kot atij një kontratë 5-vjeçare, gjithashtu shpenzuam shumë para për Nagelsmann. Asnjë trajner tjetër nuk ka pasur kohëzgjatje më të madhe kontraktuale me Bayernin.
Të gjithë do të dalin së bashku nga kjo situatë e vështirë. Nuk mendoj se pozicioni i Nagelsmann është në rrezik, madje mendoj se as nuk ekziston ndonjë ide Tuchel”, deklaroi Matthaus.
