Lufta e nisur nga Rusia në Ukrainë, për ta pushtuar shtetin ukrainas ka nxitur krerët e UEFA-s që kanë vendosur të mbajnë një mbledhje të jashtëzakonshme.
Një njoftimin e institucionit kryesor të futbollit evropian thuhet se:
“Komitetit Ekzekutiv do të mbildhet të premten, më 25 shkurt, në orën 10:00, për të vlerësuar situatën dhe për të marrë të gjitha vendimet e nevojshme. Komunikimi i mëtejshëm do të bëhet pas mbledhjes së Komitetit Ekzekutiv të UEFA-s.”
Një nga vendimet e pritshme është zhvendosja e finales së Ligës së Kampionëve nga qyteti i Shën Petersburgut në një impiant tjetër evropian, por nuk përjashtohen masa ekstreme edhe ndaj përfaqësueses ruse, që luan në play off-in e Katar 2022 ndaj Polonisë.
