Njëri nga lojtarët me të rëndësishëm në historikun e përfaqësueses së Kosovës, Anel Rashkaj ka vendosur t’i japë fund karrierës si futbollist, por tani do të nis një aventurë të re si trajner.
Rashkaj këtë e ka bërë të ditur të martën përmes një postimi në rrjetet sociale. Ai ishte kapiten i Kosovës në vitet e pranimit ndërkombëtar. Ish-mesfushori ka njoftuar se po nis karrierë si trajner.
“Pas 16 viteve fantastike si lojtar profesiona, ka ardhur koha që të fillojë karrierë të re, atë të trajnerit. Jam i lumtur që atë rrugëtim e filloj pikërisht në Akademinë e Halmstadit. Prej kësaj akademie dola si lojtar profesional. Falënderoj Allahun për këtë rrugëtim fantastik për 16 vjet me radhë. I falënderoj po ashtu gjithë lojtarët me të cilët kam bashkëpunuar”, ka shkruar Rashkaj.
