Ish-mesfushori i Lazios e Interit, Matias Almeyda, po bën shumë mirë në eksperiencën e tij si trajner i parë i grekëve të AEK-ut të Athinës, pozicion që e mban prej majit të vitit të kaluar.
Klubi grek renditet në vendin e dytë, me 4 pikë më pak se Panathinaikos që kryeson, teksa drejtuesit duken mjaft të kënaqur me punën e Almeydës, ndaj kanë nxituar ta blindojnë me një kontratë afatgjatë.
Kështu ditën e djeshme palët kanë arritur marrëveshjen për një kontratë 5-vjeçare, ose më saktë deri në 2028-ën. Natyrisht është një afat i pazakontë, megjithatë te AEK-u duken të bindur për cilësitë e trajnerit argjentinas.
