Franca ka kaluar në finale të Eurobasketit, duke mposhtur shumë thellë Poloninë në gjysmëfinalen e parë. Të premten mbrëma në Berlin francezët kanë dominuar gjatë tërë ndeshjes dhe kanë lënë pa gjasa Poloninë që kishte befasuar Slloveninë në çerekfinale.
Guerschon Yabusele udhëhoqi Francën me 22 pikë e katër kërcime. Moustapha Fall shënoi gjashtë pikë, por i kishte edhe dhjetë kërcime e pesë asistime.
Te Polonia asnjëri lojtar nuk ishte në nivel. A.J. Slaughter dhe Michal Michalak ishin më efikasët me nga nëntë pikë.
