Gjithçka ndodhi në ndeshjen Brazil – Zvicra, e cila përfundoi 1:0 për ameriko-latinët. “Seleçao” ka siguruar tashme kalimin në fazën e eliminimit direkt, derisa “helvetikët” do të duhen të sigurojnë në sfidën e fundit me Serbinë.
Pjesa e parë u karakterizua me një lojë të kujdesur nga të dyja palët, derisa për një nuancë me të mirë ishin brazilianët, me rastin me të mirë me Vinicius Jr. në minutën e 26-t. Ajo se çfarë e karakterizoi pjesën e parë ishte edhe ndërprerja e ndeshjes në dy minutat e fundit të pjesës së parë, pasi për një moment ikën dritat, por që zgjati vetëm pak sekonda.
Edhe pjesa e dytë ishte më e mirë për Brazilin, megjithatë goli i parë u desh të pritej 83 minuta me Casmerion që la pa gjasa Sommerin. Në këtë takim minuta nuk kishte për Xherdan Shaqirin, i cili kishte pësuar një lëndim të lehtë ndonëse që nga përfundimi i pjesës së parë kishte dalur në nxehje.
Derisa momenti më i bukur në këtë ndeshje ishte kur në shkallët e stadiumit u shfaq flamuri shqiptar. /Tëvë1/
