FC Phoenix nuk ndalet së përforcuari për pjesën e dytë të sezonit, derisa tani ka njoftuar edhe afrimin e dy lojtarëve.
Ekipi nga Banja e Pejës ka komunikuar dakordimin me mesfushorin David Bocaj, dhe sulmuesin Fabio Dhrami. Të dy futbollistët do të jenë pjesë e skuadrës që garon në Ligën e Parë deri në përfundimin e sezonit, me mundësi vazhdimi edhe për një edicion të ri.
Bocaj, së fundmi ishte pjesë e Flamurtarit te Vlorës, teksa Dhrami ka mbajtur ngjyrat e skuadrës së KF Butrinti, skuadra këto që bëjnë pjesë në Kategorinë e Parë te Shqipërisë. /Tëvë1/
