Sulmuesi Valon Fazliu është nominuar për futbollistin më të mirë të vitit 2022 në kategorinë e dytë zvicerane, Challenge League.
Fazliu është pjesë e Aaraut, ndërsa është në konkurrencë me dy lojtarë të tjerë. Më i miri do të zgjidhet më 23 janar.
Përzgjedhjen e më të mirëve e bëjnë trajnerët dhe kapitenët e 20 skuadrave profesionale të Zvicrës, trajnerët e përfaqësueseve të Zvicrës dhe disa gazetarë.
26-vjeçari Fazliu në verën e kaluar kaloi nga Wili te Aarau dhe realizoi tetë gola e tetë asistime në 20 paraqitje. Klubi Aarau është shprehur i lumtur që Fazliu është nominuar për më të mirin e vitit.
